Google ADS

Avioni luftarak spanjoll aksidentalisht gjuan raketë mbi Estoni

11:35 | 8 Gusht 2018
Arbresh.info

Një avion luftarak spanjoll aksidentalisht ka gjuajtur një raketë ajër-ajër mbi Estoni gjatë një misioni, ka thënë një zyrtar i NATOs për CNN.

“Rruga e fluturimit, lokacioni dhe statusi i raketës për momentin janë duke u hetuar”, tha zyrtari në lidhje me incidentin, transmeton portali arbresh.info.

“Raketa është ndërtuar në modelin e vetë-shkatërrimit, p0or nuk përjashtohet mundësia që të jetë ulur diku”.

Forcat ajrore estoneze kanë nisur një operacion kërkimi për të gjetur raketën e tipit AMRAAM, që mendohet të jetë ulur rreth 40 kilometra në veri të Tartu.

Kryeministri i Estonisë Jüri Ratas në Facebook e quajti incidentin “jashtëzakonisht për keqardhje”, duke e quajtur gjithashtu misionin e policisë ajrore të NATO-s mbi vendin baltik “një pjesë shumë e rëndësishme dhe e domosdoshme” e sigurisë kombëtare të Estonisë.

Raketat u shkarkuan nga një Eurofighter Typhoon 2000./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm